'E PRUVERBIE 'E NAPULE
|
|
|
Ermete 'ncopp'a "Nap-Wikipedia"
Ermete (Ermès) Ferraro, nascette a Napule, 'o 9 'e marzo d''o 1952; se 'nzuraje cu' Anna, 'na prufessoressa 'e religgione; è 'o pate 'e tre figlie femmene (Laura, Irene e Chiara).
Ô 1974 se pigliaje (cu' llode) 'na Laurea 'e Lettere a ll'Unneversità 'e Napule “Federico II”, e s'abbeletaje pure comme prufessore int"e scole superiore e medie. Ô 1980 se pigliaje 'nu diploma 'e assistente suciale. D''a mmità 'e l'anne '80 'nzignaje Lettere int"e scole medie, primma a Casoria (NA) e aroppo int"o quartiere Vecaria 'e Napule, addò s'occupaje pure 'e ll'attività suciale-educative p''e guagliune ca teneno cchiù prubbleme. 'A l'anno 2011-12 sta 'nzignanno â scola media "Viale delle Acacie", 'ncoppa 'o Vommero, addò sta 'e casa 'a quanno nascette. Ermete fuje n'attivista, 'nzì 'a l'anne ’70, int'a ll'organizzazione contro 'a guerra e p''a pace e fuje pure uno d''e primme obietture 'e cuscienzia napulitane. S'occupaje d''a pace pure comme educatore e comme cercatore e pecchèsto faticaje cu' l'IPRI (Italian Peace research Institute), cu' ll'Unneversità e cu' l'Archivio Disarmo d''a Reggione Campania. Mo' fatica cu 'o Cumitato Pace, Desarmo e Smilitarizzazzione e'o Territorio d''a Campania (www.pacedisarmo.org) Ô 1987 fuje uno 'e chille ca facettero nascere 'e Vierde a Napule e accussì fuje eleggiuto cunzigliere 'e quartiere ô Vommero (1987-97) e cunzigliere d''a Pruvincia 'e Napule (1990-95). Stesso ô Vommero, addeventaje pure 'o primmo Presidente "verde" 'e 'nu cunziglio 'e quartiere. Mo' è 'o rispunzabbele d''o Circulo 'e Napule 'e n'Assuciazzione 'e prutezzione abbientale (Verdi Ambiente e Società - VAS [1]) , fa parte d''o Cunziglio Nazziunale 'e VAS e è pure vicepresidente 'e l'Assuciazzione 'Rézza Campana p''a Civiletà d''o Sole e d''a Biodiversetà' ( www.laciviltadelsole.org ). 'Nzì d''a mmità 'e l'anne '70, Ermete faticaje - primma comme animatore 'e gruppo e po' comme assistente suciale - int''o Centro Cummunitario d''a "Casa d''o Scugnizzo" [2]'e Napule, funnata a Mario Borrelli e canusciuta p''o munno sano. 'E chesta Funnazzione Suciale, d''o 1998 e pe' otto anne, Pe' paricchie anne Ermete fuje 'o Presidente e 'o Coordinatore Suciale 'e chesta organizzazzione. Sempe attiento 'e quistione religgiose, Ermete s'occupaje 'ncopp'a tutto d''o rapporto d''a fede cu 'e prubbleme d''a giustizzia, d''a pace e d''a prutezzione d''a Creazzione; 'a quacche tiempo sta faticanno pure comme operatore pastorale d''a Caritàs 'e Santa Maria d''a Libbera, 'na Parrocchia d''a soja, ca sta ncopp''o Vommero. 'Nteressato a l'ecologgìa d''e llengue e appassiunato â cultura napulitana, Ermete fuje uno d''e primme ca vulette 'mparà 'o Nnapulitano ê guagliune d''a scola, e pe' tre anne purtaje annanze 'stu labboratorio â scola media "Sogliano", int'a l'orario 'e scola, danno pure 'na cullabborazzione a l'Istituto Lenguistico Campano (I.L.C.) d''o prufessore Amedeo Messina[3]. Ermete Ferraro s'occupaje 'e l'ufficio-stampa 'e l'organizzazione p''e quale faticaje e scrivette paricchie articule, saggie e quacche libbro. Tene 'nu pizzo sujo 'ncoppa a internet [4] e n'ato pure comme prufessore 'e scola (www.ermeteferraro.weebly.com )e scrive pure 'ncopp' a 'nu blogghe [5] > vire 'ncopp'a: nap.wikipedia.org/wiki/Ermete_Ferraro 
'E nnutizzieNapuLèngua: secondo anno del Corso di Napoletano
07.01.2016 - Riprende il Corso di Lingua e Cultura Napoletana organizzato da Ermete Ferraro alla scuola media Viale delle Acacie di Napoli. Il laboratorio - al suo secondo anno - si rivolge ad alunni di seconda e terza media e durerà 18 ore, rilasciando alla fine un diploma di competenza nel Napoletano parlato e scritto.
LEGGI su : ORIZZONTE SCUOLA.IT- VESUVIO LIVE.IT - NAPOLI TODAY Napulitane...c''o diploma09.06.2015 - 'O Curzo 'e Lengua e Cultura Napulitana s'è chiuso cu 'a cunzegna d''e Certificazzione a tutte 'e 14 guagliune/one ca participajeno a 'sta sperienza c'aggio fatto chist'anno dint''a Scola Media "Viale delle Acacie' 'e Napule. 'E diplome so' state date d''o scrittore napulitano Roberto Bratti (foto 'e miezo), ca è turnato a ce truvà doppo c'have venciuto 'o Premio 'Bancarellino' 2015 c''o libbro sujo "Bulli con un click". C'è venuta a fa' visita pure n'ata televisione nazziunale (TV 2000 - can. 28 d.t.), pe ffa' 'nu servizzio 'ncoppa 'o pruggetto 'Napulitanamente' p''a trasmissione "Siamo noi' (marterì 9 'e giugno, d''e 15,30). ARAPE 'O VIDEO - LIEGGE PURE 'NCOPP'A: OrizzonteScuola
TeleNapulitanamente...
17.04.2015 - Comme fanno veré 'e ffotografie ccà 'ncoppa, d''o labboratorio 'e Napulitano dint''a šcola media "Viale delle Acacie" se parla pure pe' televisione. 'O quinnece aprile matìna è stato trasmisso 'nu servizzio d''o teleggiornale 'e FRANCE 2 'ncopp''a 'sta 'sperienzia pe' 'mparà 'na lengua reggionale > ARAPE 'O VIDEO.
'O diciassette sera, 'mméce, l'emittente TELEVOMERO ha passato 'nu servizzio d''o teleggiurnale sujo, assaie gruosso e cumpleto > ARAPE 'O VIDEO E' 'na bella suddisfazzione pe' chi fatica a 'stu pruggetto, e p''e guagliune/one ca stanno participanno, però me pare pure ''nu signale ca quaccosa se sta muvenno pe' cagnà 'na situazzione ca sta ferma 'a dieci anne. 'A lengua araba rint''o Nnapulitano
10.04.2015 - Se tratta 'e n' inizziativa overo interessante. Se parlava 'e ll'arabisme arint''a lengua napulitana. Aroppo 'n' introduzzione 'e Laura Bufano, Umberto Franzese e Luigi Rispoli, parlajeno perzone assaje priparate: 'o prufessore Pietro Maturi ('e lUnniversetà Federico II 'e Napule), 'o prufessore Amedeo Messina ('e l'Istituto Linguisteco Campano) e 'o duttore Ermanno Corsi (presidente 'e l'ordene d''e Giurnaliste 'e Napule, già capo-redattore d''o TG Campania 'e RAI 3). Pure Ermete Ferraro è stato invitato a ffa' 'n'intervento, pe' parlà 'e l'esperienza ca sta facenno c''o labboratorio 'e Napulitano dint''a šcola media "Viale delle Acacie".
'Mparà 'o Nnapulitano fa nnutìzzia !
18.03.2015 - Aroppo l'articule ca songo asciute già 'ncopp''a ati ggiurnale e pubbrecazzione online, pure 'nu servizzio 'ncoppa IL MATTINO.it parla d''o pruggetto 'Napulitanamente'. 'O prufessore Ferraro è stato 'ntervistato miercurì 18 'e marzo 'ncopp''a RADIO MARTE 'a Gianni Simioli e Francesco Borrelli e 'a stessa cosa succede pure gioverì 19, cu na 'ntervista diretta 'ncopp''a RADIO AMORE 'e Napule. 'Nu cuntatto 'mpurtante è stato pigliato pure c''a televisione TELEVOMERO, ca trasmetterrà 'nu servizio giurnalisteco 'ncoppa chisto labboratorio 'e Napulitano, dint''a šcola media "Viale delle Acacie" , 'ncopp''o Vommero.
Comme se šcrive ‘o Nnapulitano?
03.03.2013 – Comme avimm’’a šcrivere ‘o Nnapulitano senza ca ce šbagliammo? Ô ’Salotto Striano’ – a Tulèdo - s’è parlato d’’e rrèole ortografiche ca sarriano cchiù necessarie pe’ pute’ ‘mparà ‘o Nnapulitano ê guagliùne/one pure dint’’ê šcole, šcanzanno accussì ‘na manèra arrunzata e šcumbinata ‘e tratta’ ‘sta lengua.
A raggiuna’ ‘ncopp’a ‘sti questione ‘nce stevano: Nazario Bruno, Ermete Ferraro, Giulio Pacella, Sergio Zazzera, Amedeo Messina e Claudio Pennino. Chesta è stata 'a primma vota ca isse se songo 'ncuntrate, però se penza 'e cumbina' àti 'rreunione, p'accummeni' 'ncopp'ê rrèole ortografiche. GUARDA 'E FFOTOGRAFIE 'E CHISTO 'NCONTRO 
'O pruggetto Napulitanamente11.12.2014 - Ermete presentaje ô Cullegio d''e Prufessure d''a šcola media "Viale delle Acacie" 'e Napule - addò fatica - 'o pruggetto 'extra-curricolare' "Napulitanamente", ca fuje appruvato. Se tratta 'e fa' 'nu labboratorio 'e lengua e cultura napulitana p''e guagliune/one d''e classe siconne e terze, cu' diece lezzione 'e ddoje ore. LIEGGE APPRIESSO >
Scrivettero 'ncopp''o pruggetto 'Napulitanamente' 'sti ggiurnale: NAPOLI TODAY - IL BRIGANTE - SORRENTO POST - NAPOLITAN - VESUVIO LIVE - LA REPUBBLICA - LA STAMPA DEL MEZZOGIORNO - TISCALI NOTIZIE - LA GAZZETTA DI NAPOLI - SCRIVONAPOLI - Vìre pure 'a paggena 'Napulitanamente' 'ncopp''a "SCHOOLBOOK" Parlano e šcriveno d''o Pruggetto :Articule e scritte napulitane
6 'e febbraro '10: " 'Nu tè mmiéz''e pazze" (traduzz, napul. 'e E.F. d''o settimo capitulo 'e "Alice's Adventures in Wonderland" > F.B./ Pe scrivere e parlà Napulitano e "Alidicarta.it" 2010 26 'e luglio '09: " 'A quinta satira 'e Orazzio" (traduzz. napul. 'e E.F. 'e "Oratii Sermo Quintus" > F.B./ / Pe scrivere e parlà Napulitano > Puisìe napulitane 17 'e luglio '09: "Medea" (traduzz. napul. 'e E.F. 'a: Euripide, Μήδεία, vv. 215-266) > FB/ Pe scrivere e parlà Napulitano > Puisìe napulitane 11 'e abbrile '09: " 'O Sarmo vintiròje" (traduzz. napul. 'e E.F. d''o "Salmo 22" d''o "Libro dei Salmi" > FB/ Pe scrivere e parlà Napulitano > Puisie napulitane 6 'e abbrile '09: " ‘Nu viecchio" ‘e Custantino Kavàfis (traduzz. napul. 'e E.F. 'a "Ποίηση του Κωνσταντίνου Καβάφη) > FB/ Pe scrivere e parlà Napulitano > Puisìe napulitane 25 'e marzo '09: "'O špecchio 'int''a saletta " (traduzz. napul. 'e E.F. 'a "Ποίηση του Κωνσταντίνου Καβάφη) > FB/ Pe scrivere e parlà Napulitano > Puisìe napulitane 15 'e marzo '09: "Julia Miller" (traduzz. napul. 'e E.F. 'a "'Anduluggìa 'e Špoon River" 'e Edgar Lee Masters) 1° 'e marzo '09: "'O Sarmo Uno" (traduzz. napul. 'e E.F. d''o "Salmo 22" d''o "Libro dei Salmi" > FB/ Pe scrivere e parlà Napulitano > Puisie napulitane 22 'e febbràro '09: intervento sulla bacheca di FB/ Pe scrivere e parlà Napulitano > 2009 decembre '08: "Aducazzione p''a Pace" - libbera traduzzione napulitana 'e n'articulo 'ngrese > www.nap.wikipedia.org decembre '08: "Decrescènza" - traduzzione napulitana 'e l'articulo "Decrescita" 'ncopp'a Wikipedia > www.scrivi.com 2008 giugno '07 : Cummento 'e E.F a l'articulo 'e A. Messina Proposte per una ortografia della lingua napoletana > www.napulitano.splinder.com màjo '07 : Cummento 'e E.F. a l'articulo 'e A. Messina, I linguaggi della Campania richiedono una legge (www.napulitano.splinder.com ) abbrìle '07: Shakespeare napoletano ? (A. Pesce "Besguizzo shakesperiano" 'ncopp'a: www.ilc.it) 2007 "Nunviulenza" - traduzzione 'n Napulitano 'e 'n'articolo 'ngrèse: "Nonviolence", 'ncopp'a: http://nap.wikipedia.org/wiki/Nunviulenza 'O NNAPULITANO CHIEJATO A LIBBRETTO. 'Na grammàteca pe' parlà e pe' scrivere cchiù mmeglio 'a lengua napulitana, inedito >>> (vire pure 'ncopp'a: www.webalice.it/ermeteferraro/napulitanamente ) www.webalice.it/ermeteferraro/napulitanamente
|
'E ffotografie'O bloggo
NAPULENGUA
23.01.2016 <<Aroppo ‘a šperienzia c’aggio fatto l’anno passato, pure p’’o 2016 aggio penzato ‘e purtà annanze ‘o pruggetto mio, pe ‘mparà ‘a lengua e ‘a cultura napulitana ê guagliune d’’a šcola media addò faccio ‘o prufessore ‘e lettere. Doppo ca è stato appruvato, ‘o pruggetto Napulitanamente sta pe accummencià,...>> CUNTINUA A LEGGERE 
'A PARTITA D''O NNAPULITANO
16.05.2015 <<Vurria vedé p’’o Nnapulitano ‘o stesso tifo ca ‘a ggente nosta addemostra p’’a S.S.C. Napule…Me garbarrìa assaje ‘e vedé ca ‘e Napulitane s’apprennetissero p’’o fatto c’‘a lengua nosta sta šcrianno ‘mpilo ‘mpilo, accuppata primma d’’o Taliano-lengua unneca e doppo ‘a ll’Ingrése d’’a globbalizzazzione furzata...>> CONTINUA A LEGGERE 
"VIVA NAPOLI E PARI'..."
11.04.2015 <<Ô 1902 , Guarino e Gambardella šcrivettero ‘na canzona assaje špassosa, c’aggio vuluto mettere comme titulo ‘e ‘stu piezzo. L’occasione pe’ cantà pur’io “Viva Napoli e Parì” è stata ‘na telefonata ca me passaje figliema ‘nu ppoco ‘e juorne fa: “Papà, ‘nce sta’na signora d’ ‘a televisione frangese!”. E chi s’’o ppenzava ca ‘o labboratorio ‘e Napulitano ca stongo purtanno annanze â šcola mia puteva arrivà nientemeno rint’’o teleggiurnale ‘e France 2 ?…>> CONTINUA A LEGGERE 
CHI TENE LENGUA (2)
21.03.2015 <<Songo passate sei semmane ‘a quanno šcriviette ‘o primmo articulo ‘ncopp’’o pruggetto “Napulitanamente” p’’o bloggo mio[1] e, aroppo ‘o malutiempo ‘e ste mìse, s’accummencia a sèntere ‘a primmavera. Pure ‘ncopp’’o labboratorio ‘e Napulitano è šchiarato ‘o sole e ‘nce songo state già quatto lezzione cu ‘e guagliune/one ....>> CONTINUA A LEGGERE 
CHI TENE LENGUA...
08.02.2015 - <<Quanno aggio accummenciato a faticà ô pruggetto “Napulitanamente” facevo ‘o prufessore ‘e lettere int’’a šcola media “Sogliano” a Porta Capuana e tenevo durece anne mancante. ‘A situazzione ‘e tanno però era assaie deverza. ‘E guagliune/one d’’a Sogliano parlavano ‘o Nnapulitano comm’’a primma lengua lloro e pirciò ‘o pruggetto d’’o mio...>> CUNTINUA A LIEGGERE 
http://nap.wikipedia.org/wiki/
http://www.ilc.it/
PE' SCRIVERE E PARLA' NAPULITANO
|
