|
'A P A G G E N A
|
|
CURZO 'E NAPULITANO A LL'UNITRE 'E NAPULE
E' ripreso il 5/10/2021 e proseguirà ogni martedì dalle ore 12,00 alle 13,00 - il mio corso di lingua e cultura napolitana, presso UNITRE Napoli (via Belvedere 113 - Aula Merola), che giorni fa ha festeggiato con un evento pubblico i suoi primi 30 anni di attività.
Per maggiori informazioni sul docente, Ermete Ferraro, e sul suo corso - giunto ormai alla sua quinta proposta - visitate il sito web (https://unitrenapoli.it/lingua-e-cultura-napolitana/) o il blog: www.napulitanobblog.info.
Vaje ‘ncopp’ô sito nuovo: http://www.napulitanobblog.info/
Articule passate 'e E.F. 'nNapulitano, p' 'o ggiurnale "napoli"
(p' 'e lleggere, scarrecate 'e file sott' a ll'immaggene)
|
| ||||||||||||||||||||||||||||||||||||||||||||||||||||||||||||||||||||||||||||||
Maje cchiù lengua attaccata
Chesta è ‘a traduzzione napulitana – fatta ‘a Ermete Ferraro – ‘e ll’articulo “Tongue Tied No More: Deciphering Neapolitan Dialect”, scritto ‘a Kristin Melia e pubbrecato ô 13 ‘e giugno 2017 ‘ncopp’ ‘a revista ‘mericana ITALY MAGAZINE (http://www.italymagazine.com/featured-story/tongue-tied-no-more-deciphering-neapolitan-dialect).
<< ‘O Nnapulitano è na lengua o nu dialetto? Chi ‘o pparla e addò? E ancora, quanno s’avess’ ’a parlà Taliano e quanno ’o dialetto? L’Italia, comme stato, è na ’mmenzione bastantemente nova e quase miraculosa. Contr’a tutte ‘e prubbabbeletà puliteche, (’o statista Conte Mettenich dicette na vota ca ll’Italia nun era nient’ ’e cchiù ‘e nu termene geografeco), ’o Stato Taliano nascette ô 1871, doppo ca paricchie state nazziunale se mettettero ‘nzieme pe furmà chello ca mo’ chiammamo Italia.>> CUNTINUA A LEGGERE 'Mparammoce
|
|
Ermete tene nu spazzio ô Lunnedì
a ssera (h. 19,45 ca.) 'ncopp'â RADIO STEREO 5, pe parlà d' 'e fatte 'e mo, ausanno 'e pruverbie antiche d' 'a tradizzione napulitana. 'Sta radio se po' sentì 'ncopp'â frequenzia 95.4 FM. |
Pe diece puntate, Ermete 'e stato 'o Prufessò 'e Napulitano int''a trasmissione "PAZZIAMMO E PARIAMMO" , cundotta in diretta 'a Aldo Pietrosanti e Angelo Martino p''a televisione TELE A (can. 18 DT). 'Nzieme a Ermete, participajeno pure Amedeo Colella, Santolo Guadagno e 'o gruppo musicale 'E Parià .
Pe ne sapé 'e cchiù, va' a vedé 'a paggena: https://www.facebook.com/pazziared/?fref=ts
Pe ne sapé 'e cchiù, va' a vedé 'a paggena: https://www.facebook.com/pazziared/?fref=ts
Lettera napulitana â Conzule 'Mericana
Napule, ô 14 ’e giugno 2017
- Ô Conzule Generale d’ ‘e State Aunite d’America a Napule, Mrs. Mary Ellen Countryman, [email protected]
Me chiammo Ermete Ferraro e songo nu cetadino napulitano che, ’a chiù ’e 30 anne, sta ‘mpignato dint’ê muvemiente p’ ‘a pace e pe ll’ambiente. A parte ca faccio ’o prufessore ’e Lettere int’ â scola pubbreca, ’a cchiù ’e 10 anne me dongo ’a fa’ pure pe defennere e prummovere ’a lengua e ’a cultura napulitana. E’ pe chesto ca songo stato ’o primmo che purtaje annante nu curzo ’e Napulitano int’a ddoje scole medie e, urdemamente, nu soccio curzo pure p’ ‘a gente gruosse, int’â sezzione ‘e Napule ’e ll’UNITRE (Unneverzetà d’ ’e Tre Aità). Fatico pure cu ll’Associazione ‘Giambattista Basile’ – cu Pascale Farro comme Presidente – e cu l’ammico mio (e vuosto) Davide Brandi, che sta tenenno ’o Curzo ’e Napulitano c’avite fatto pure vuje....>> CUNTINUA A LEGGERE
- Ô Conzule Generale d’ ‘e State Aunite d’America a Napule, Mrs. Mary Ellen Countryman, [email protected]
Me chiammo Ermete Ferraro e songo nu cetadino napulitano che, ’a chiù ’e 30 anne, sta ‘mpignato dint’ê muvemiente p’ ‘a pace e pe ll’ambiente. A parte ca faccio ’o prufessore ’e Lettere int’ â scola pubbreca, ’a cchiù ’e 10 anne me dongo ’a fa’ pure pe defennere e prummovere ’a lengua e ’a cultura napulitana. E’ pe chesto ca songo stato ’o primmo che purtaje annante nu curzo ’e Napulitano int’a ddoje scole medie e, urdemamente, nu soccio curzo pure p’ ‘a gente gruosse, int’â sezzione ‘e Napule ’e ll’UNITRE (Unneverzetà d’ ’e Tre Aità). Fatico pure cu ll’Associazione ‘Giambattista Basile’ – cu Pascale Farro comme Presidente – e cu l’ammico mio (e vuosto) Davide Brandi, che sta tenenno ’o Curzo ’e Napulitano c’avite fatto pure vuje....>> CUNTINUA A LEGGERE
"Vesuvius Valley": Napule criativa
Ferraro, Pietrosanti, De Falco e Colella.
02.04.2017 - <<Aggio participato â presentazzione - int' 'a libbreria 'Iocisto' 'e Napule - 'e nu libbro assaje origginale e sfizziuso, scritto 'a Stefano De Falco, nu 'ngigniere e cercatore 'e ll'Unneverzetà. G'à 'o titulo ("VESUVIUS VALLEY: pecché Napule è 'a cetà cchiù nnuvativa 'e tutt' 'o munno?" ) è 'ntricante e pruovoca a chi legge, p' 'o fa' cercà int' 'e paggene quant'è overo chello ca ce vo' fa' capì pure l'immaggene d' 'a cupertina 'e Lello Esposito, addò 'nce sta nu Vesuvio che votta 'ncielo na rossa mela annurca. 'O fatto è - comme scrive Amedeo Colella int' 'a l'introduzzione, ca: "...'stu libbro fa piezzo piezzo tutte 'e fessarie 'ncopp'â 'neapolitan way of life' , danno 'o justo valore e degnità a chelle che 'a ggente se penza ca songo sulo 'icone folkloristiche' [...] Ô ccuntrario, 'e 'pizze cummune' d' 'a napulitanetà int'ô libbro addeventano 'e strumiente pe ffa' cose nove." ...CUNTINUA A LEGGERE Pubbrecato pure 'a AGORAVOX.IT
'E bbox p''e machine
nun 'e vvulimmo!
15.04.2017 - Pure Ermete Ferraro parlaje - comme portavoce 'e Napule 'e ll'Assuciazzione V.A.S. (Verdi Ambiente e Società) - a l'assembleia che se facette ô
Vommero, â Chiazza 'e ll'Artiste, contra ê bbox sotto terra p' 'e mmachine, che vônno fa' 'mmiez' a via De Bustis e a chella chiazza. Ferraro – aunennose a chello ca dicettero autre associaziune ambientaliste, 'e categoria d' 'e Cunzigliere d' 'a 5^ Municipaletà 'e Napule, ha cunfermato l'adesione 'e VAS â prutesta popolare contr' a chesta nova speculazzione, ca fa guaje a chi sta 'e casa lloco e pure a chille ca faticano int'ô Mercato 'e Antignano.
Doppo 20 anne, 'nfatte, 'a storia 'e sempe 'a stessa pecché - comme quanno s'avett'a luttà contra 'o parcheggio pe 900 puoste-auto c'avarria sgarrupato 'e ciardine 'e via Ruppolo - pure 'stu pruggetto purtarria nu sacco 'e guaje pe ll'ambiente, sgarrupanno 'a viabbiletà e 'a vita 'e nu quartiere sano sano. "E' arrivato 'o mumento 'e fa' resistenza civile contr'a chistu pruggetto e pirciò tuttaquanta 'a ggente, 'e studiente e l'assuciazziune hann' a piglià parte ô curteo 'e prutesta 'e giovedì 20 'e Abbrile, che parte d' 'a Chiazza 'e ll'Artiste." - dicette Ferraro a nomme 'e VAS Napoli – però pure l'Amministrazzione d' 'o Cummune 'e Napule ha dda fa' 'a parte soja.” Per ne sapé 'e cchiù: https://www.facebook.com/NoBoxVomero/?fref=ts
Vommero, â Chiazza 'e ll'Artiste, contra ê bbox sotto terra p' 'e mmachine, che vônno fa' 'mmiez' a via De Bustis e a chella chiazza. Ferraro – aunennose a chello ca dicettero autre associaziune ambientaliste, 'e categoria d' 'e Cunzigliere d' 'a 5^ Municipaletà 'e Napule, ha cunfermato l'adesione 'e VAS â prutesta popolare contr' a chesta nova speculazzione, ca fa guaje a chi sta 'e casa lloco e pure a chille ca faticano int'ô Mercato 'e Antignano.
Doppo 20 anne, 'nfatte, 'a storia 'e sempe 'a stessa pecché - comme quanno s'avett'a luttà contra 'o parcheggio pe 900 puoste-auto c'avarria sgarrupato 'e ciardine 'e via Ruppolo - pure 'stu pruggetto purtarria nu sacco 'e guaje pe ll'ambiente, sgarrupanno 'a viabbiletà e 'a vita 'e nu quartiere sano sano. "E' arrivato 'o mumento 'e fa' resistenza civile contr'a chistu pruggetto e pirciò tuttaquanta 'a ggente, 'e studiente e l'assuciazziune hann' a piglià parte ô curteo 'e prutesta 'e giovedì 20 'e Abbrile, che parte d' 'a Chiazza 'e ll'Artiste." - dicette Ferraro a nomme 'e VAS Napoli – però pure l'Amministrazzione d' 'o Cummune 'e Napule ha dda fa' 'a parte soja.” Per ne sapé 'e cchiù: https://www.facebook.com/NoBoxVomero/?fref=ts
'A lengua
'e Totò
IDENTITA' INSORGENTI ha pubbrecato l'articulo mio. << P' 'e 50 anne d' 'a morte 'e Totò ve dammo n'anticipazzione 'e ll'intervento "Parli come badi!" d' 'o prufessore Ermete Ferraro, 'ncopp' â lengua origginale assaje d' 'o prencipe d' ' a resata, int'a ll'evento 'A FESTA D' 'A LENGUA NOSTA, penzata 'a l'Associazzione Giambattista Basile (Napule, 12-14 'e Maggio). Ve prupunimmo 'o saggio 'e Ferraro ('Metalinguaggio e Totolinguaggio'), che fa n'anàlese d' 'e mmeglie truvate 'e Totò, pe ce fa' sapé comme 'o prencipe d' 'a resata riusceva a ce fa' ridere e, 'nzieme, a ce fa' penzà a quanto songo sballate e fàveze cierte fforme d' 'a cummunicazzione 'e ll'uommene....>> CUNTINUA A LEGGERE 'ncopp'a: IDENTITA' INSORGENTI.
